Almatylyq Tık-tok túsirý úshin jol erejesin óreskel buzdy
Onyń vıdeosy aldymen Tık-tokta jarııalandy, sodan keıin basqa áleýmettik jelilerde tarady. Beınejazbadan kóliktiń Abaı dańǵyly boıymen batys baǵytqa qaraı jyljyp kele jatyp, Seıfýllın kóshesimen qıylysqan kezde joldyń qarsy baǵytyna burylǵanyn kórýge bolady. Júrgizýshi janyndaǵy jolaýshy munyń barlyǵyn túsirip otyrǵan.
Almaty qalalyq Polıtsııa departamentiniń baspasóz qyzmeti ereje buzǵan júrgizýshiniń anyqtalǵanyn habarlady.
«Júrgizýshi anyqtaldy. Ákimshilik hatamma toltyrylyp, materıaldar sotqa jiberildi. Bul zań buzýshylyq úshin júrgizýshi kýáliginnen 6 aı merzimge aıyrylýy múmkin»,– dep habarlady polıtsııadan.
Sonymen birge, qalalyq polıtsııa mundaı zań buzýshylyq óte qaýipti ekenin atap ótti.
«Bul óte qaýipti, ásirese kólik aǵyny qatty qalada. Júrgizýshi óziniń qaýipsizdigi ǵana emes, aınalasyndaǵylardyń da jaǵdaıyn oılanýy kerek»,– dep túsindirdi polıtsııa.