Almatylyq tártip saqshylary Túrkııanyń 40 jastaǵy azamatyna jasalǵan shabýyldyq áreketti áshkereledi
ASTANA. 19 qańtar. QazAqparat /Aıdar Ospanalıev/ - Almatylyq tártip saqshylary Túrkııanyń 40 jastaǵy azamatyna jasalǵan shabýyldyq áreketti áshkereledi. Bul týraly búgin jýrnalıstermen bolǵan aptalyq bıfıngte Іshki ister mınıstrligi Til saıasaty jáne aqparat departamentiniń bastyǵy Qýanyshbek Jumanov málim etti.
Onyń aıtýynsha, atalmysh qylmys Almatyda jeltoqsan aıynyń sońynda jasalǵan. Polıtsııa qyzmetkerleriniń kıimindegi belgisiz úsh azamat qujattaryn tekseremiz degen jeleýmen túrkııalyqty dámhanalardyń biriniń aldynan toqtatyp, tapanshamen qorqytyp, kólikpen Almaty oblysynyń syrtyna alyp shyqqan. «Olar Túrkııa azamatynan 10 myń dollar men 300 myń teńgeni alǵan soń izderin jasyrǵan. Atalmysh áreketke kináli degen kúdikpen 3 Almaty turǵyny ustalyp, olardan polıtsııa kıimderi men tartyp alynǵan aqshanyń biraz bóligi qaıtaryp alyndy»,-dedi departament bastyǵy.
