Almatylyq tártip saqshylary kólik urlaýmen aınalysyp júrgen qylmystyq topty qolǵa túsirdi
ASTANA. 22 jeltoqsan. QazAqparat /Aıdar Ospanalıev/ - Almatylyq tártip saqshylary arnaıy júrgizilgen jedel-izdestirý sharalarynyń barysynda Almatynyń eki turǵynynan turatyn qylmystyq topty quryqtady»,
dep habarlaıdy Іshki ister mınıstrliginiń baspasóz qyzmeti.
25 pen 27 jas aralyǵyndaǵy eki azamat Almatynyń Jetisý aýdanyndaǵy kólikterdi urlaýmen aınalysyp kelgen. Tekserý sharalary barysynda olardyń bıylǵy jyldyń qyrkúıegi men jeltoqsan aılary aralyǵynda Almatynyń mańynda jasalǵan 9 urlyq áreketine qatystylyǵy dáleldegen.
Kúdikti azamattar aldyn ala daıyndalǵan júıe boıynsha áreket etken. Olar túngi ýaqytta úılerdiń mańynda turǵan «Vaz», «Aýdı», «Mazda» sııaqty 1990-1993 jyldar aralyǵyndaǵy ortanqol kólikterdi urlap, olardy bólshektep, Almatynyń bazarlarynda satyp júrgen.
Polıtseıler urlanǵan kólikterdi bólshektelip tastalǵan kúıinde tapqan jáne tabylǵan kólikterdi ıelerine qaıtardy. Al ustalǵan azamattar ýaqytsha ustaý oqshaýlaǵyshyna jabylyp, kólik urlyǵy boıynsha qylmystyq is qozǵaldy.
