Almatylyq tártip saqshylary esirtki tasymaldaýshylardan 3 keliden astam esirtki tapty
ASTANA. Mamyrdyń 19-y. QazAqparat /Aıdar Ospanalıev/ - Almaty qalalyq Іshki ister departamentiniń Uıymdasqan qylmyspen kúres basqarmasynyń qyzmetkerleri «Arlan» arnaıy jasaǵynyń kómegimen júrgizilgen jedel-saýyqtyrý sharasynyń barysynda «Mersedes-Bents» kóliginen 936 gramm geroın tapty.
Al kóliktegilerdiń bireýiniń úıinen 3 keli 170 gramm geroın tabyldy, dep habarlaıdy QazAqparat.
Іshki ister mınıstrliginiń til saıasaty jáne aqparat departamentiniń bastyǵy Qýanyshbek Jumanovtyń aıtýynsha, atalmysh esirtkiler satýǵa arnalǵan. Sondaı-aq Jambyl oblystyq polıtsııa qyzmetkerleri «Jıek» operatsııasynyń barysynda Merki aýdanynyń turǵynynan
120 keli keptirilgen marıhýana aldy. Atalmysh áreketter boıynsha esirtkilik zattardy zańsyz saqtaǵan degen aıyppen qylmystyq is qozǵaldy.
