Almatylyq tártip saqshylary esirtki satatyn túngi oıyn-saýyq oryndaryn jabýdy usynýda

Mundaı sheshimge tártip saqshylary qalada esirtki satýyn toqtatpaı kelgen túngi klýbtarǵa júrgizgen keshendi reıdterden soń kelip otyr.

«Búgingi tańda Almatyda jurttyń eń jıi bas qosatyn 30-ǵa jýyq túngi klýbtary jumys jasaıdy. Ótken jyldar tájirıbesi kórsetkendeı, kóńil kóterý oryndary basshylarynyń quntsyzdyǵynan kez kelgen klıent tıisti mólsherdegi esirtkisin satyp ala alady. Budan bólek, túngi klýb kúzetshileriniń ózderi esirtki paıdalanyp, tipti jastarǵa satýdy da kásip ete bastaǵan. Esirtkiniń etek jaıa bastaýy jastardyń keleshegine qaýip tóndirip otyr», - deıdi tártip saqshylar.

Ótken jeksenbi kúni qaladaǵy tanymal túngi klýbtyń birine «qonaqqa» barǵan polıtseıler qyzmet etýshiler men kúzet ornyna tekserý júrgizdi. Onda polıtseıler túngi klýbtyń tórt birdeı qyzmetkeriniń esirtkilik masańdyqta otyrǵanynda ústinen túsken. Túngi klýbtaǵy esirtki paıdalanǵan dı-djeıdiń biri buryn asa aýyr qylmysy úshin isti bolyp qaıtqany anyqtaldy. Al buǵan, túngi klýb ákimshiligi bas qatyryp otyrǵan joq.

«Jaýapkershilikke mekeme ákimshiligi tartylady. Ókinishke oraı, mundaı keleńsizdikter jıi kezdesýde. Sondyqtan, budan bylaı túngi klýbtardy tekserýdi demalys saıyn júrgizýdi ádetke aınaldyrmaqpyz. Reıdterge jýrnalısterdi, ákimdik qyzmetkerlerin, «Nur Otan» HDP-nyń Jastar qanatyn, sondaı-aq, ІІD kámeletke tolmaǵandar jónindegi ınspektorlaryn qatystyrmaqpyz», - dedi polkovnık Ermurat Іzǵutıev.

Memleket esirtki men nashaqorlyqty toqtatý jolynda osy qasiretke qarsy qoǵamdyq is-qımyldyń QR-da 2006-2014 jyldarǵa arnalǵan nashaqorlyq pen esirtkige qarsy kúres jónindegi basym baǵyttarynyń baǵdarlamasyn qabyldaǵan bolatyn. Bul qujat Almatyda da qabyldandy. Qujattyń negizgi baǵyty nashaqorlyqtyń odan ári óris almaýy úshin onyń zalalyn jappaı nasıhattaý, oǵan qarsy kúresti keshendi túrde uıymdastyrý bolyp tabylady.

Jyl basynan beri Almaty qalasy ІІD esirtkige qarsy kúres basqarmasy túngi klýbtarǵa 70 ret aldyn alý reıdterin júrgizgen. Nátıjesinde, esirtki taratýdyń 5 faktisi áshkerelengen, olardyń ishinde túngi klýb kúzet qyzmetkerleri, barmen, dı-djeıler de bolǵan.