Almatylyq tanysynyń kóligin minip, Jambylǵa qashyp ketken
ALMATY. QazAqparat - Almatyda tanysynyń kóligin urlap ketken er adam ustaldy, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Jedel basqarý ortalyǵyna er adam qońyraý shalyp, Tóle bı men Turǵyt Ozal kóshesiniń qıylysynda qara tústi Toıota Kamrıdi belgisiz bireý aıdap ketkeni týraly habarlaǵan.
«Kólik ıesi kiltteri saqtalǵan qolsómkeni óziniń tanysyna bergen. Sol kezde onyń tyǵyz sharýalarmen aınalysyp jatqanyn paıdalanǵan álgi tanysy kólikti aıdap ketip qalǵan. Keshendi júrgizilgen jedel izdestirý sharalarynyń arqasynda urlanǵan kólik Jambyl oblysynan tabyldy. Qazir kólik ıesine qaıtaryldy. 33 jastaǵy kúdikti ustaldy. Ol ýaqytsha ustaý ızolıatorynda otyr. Sotqa deıingi tergeý sharalary júrýde», - dedi qalalyq ІІD Qylmystyq polıtsııa basqarmasy basshysynyń orynbasary Maqsat Álimov.
