Almatylyq tanysynan doktorantýraǵa túsirý úshin 1,5 mln teńge alǵan
ALMATY. QazAqparat – Almatylyq azamattardy doktorantýraǵa túsirýge jáne IELTS sertıfıkatyn alyp berýge kómektesimin dep aldaǵan, dep habarlaıdy QazAqparat tilshisi.
Kúdikti 46 jasta. B. degen azamatsha óziniń tanystaryna doktorantýraǵa túsirip, IELTS sertıfıkatyn alyp berimin dep usynys jasaǵan. Osylaısha, ol adamdardy aldap, qomaqty qarajat ıemdengen.
«Kúdikti kórsetetin kómegi úshin qomaqty qarjy suraǵan. Ol zardap shekkenderdiń birinen oqýǵa jáne shetelge kóshýge talap etililetin sertıfıkatty alyp berý úshin 440 myń teńge alǵan. Taǵy bir jábirlenýshiden ýnıversıtetiń doktorantýrasyna túsirý úshin 1,5 mıllıon teńge aldy. Qazir kúdiktige qatysty sotqa deıingi tergeý bastaldy. QRQK 190-baby 3-bóligi - eki nemese odan da kóp adamǵa qatysty jasalǵan iri kólemdegi alaıaqtyq. Oǵan 4 fakt boıynsha aıyp taǵylyp otyr »,- deıdi Áýezov aýdandyq polıtsııa basqarmasynyń bastyǵy Jasulan Turyspaev.
Aıta ketý kerek, kúdikti buryn ýnıversıtetterdiń birinde jumys istegen. Ol JOO qyzmetinen jaqyn arada ketken. Jábirlenýshilerdiń senimine negiz bolǵan dál osy fakt. Alaıda ol eshqandaı ýádelerin oryndamaı, alǵan aqshasyn jeke qajettilikterine jumsaǵan.
