Almatylyq taǵy bir prank jasaýshy jigit qamaýǵa alyndy

ALMATY. QazAqparat - Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda K. esimdi azamatqa qatysty usaq buzaqylyq boıynsha is qaraldy, dep habarlaıdy QazAqparat tilshisi.

Sot barysynda anyqtalǵany, almatylyq turǵyn áleýmettik jelide pranker retinde óziniń kórermenderin kóbeıtý maqsatynda «Magným» saýda dúkeninde vıdeo túsirgen. Onda pranker beline deıin kıimin sheship tastap, jalpyǵa ortaq etıkany saqtamaı «Býratıno» ish!» dep aıqaılaǵan. Osy áreketimen ol aınalasyndaǵylardy syılamaıtyndyǵyn bildirip, qoǵamdyq tártip pen jeke tulǵalardyń tynyshtyǵyn buzǵan.
«Sot májilisinde K. esimdi azamat óziniń ákimshilik quqyq buzýshylyq jasaǵanyn tolyq moıyndap, is áreketine ókinetinin jetkizdi. Sot qaýlysymen kináli azamatty 15 táýlik merzimge qamaýǵa alý túrindegi ákimshilik sharasy taǵaıyndaldy. Qaýly zańdy kúshine engen joq», - delinedi sottyń habarlamasynda.
Eske sala keteıik, buǵan deıin almatylyq pranker polıtsııanyń modýldi pýnktinde jáne qoǵamdyq kólik ishinde jáne metro men saýda ortalyǵynda prank jasaǵany úshin qamaýǵa alynǵan bolatyn.