Almatylyq sýretshiler balalar aýrýhanalaryna ertegiler álemin salǵan
ALMATY. QazAqparat – Almatylyq sýretshi-dekorator Álııa Sarbalına balalar aýrýhanalarynyń qabyrǵalaryn ertegi keıipkerlerimen árlep júr. Qaıyrymdylyq sharasyn qolǵa alǵan sýretshi osylaısha búldirshinderdiń kóńilderin kótermek, dep habarlaıdy QazAqparat.
Jobanyń aty «Meıirimdi sýretter» dep atalady. Al ıdeıa avtory – Álııa Sarbalına.
Avtordyń aıtýynsha, jobanyń iske asýyna onyń qyzy sebepshi bolǵan. Bir jyl buryn ol aýyryp, júregine ota jasalǵan eken. Sol kezde qyzymen birge aýrýhanada jatqan sýretshi aýrýhananyń qarapaıym ári qarańǵylaý ekenine mán berip, birinshi qabatty túgel boıap shyǵypty. Palatalardyń qabyrǵalaryn ertegiler álemimen toltyryp, túrli han saraılaryn salyp tastaǵan. Tipti lıft pen ota kabınetteriniń aınalasyn da alýan túske boıaǵan.
«Ózi aýrý balalar aýrýhananyń dámin, ıisin sezip, qara túnekte ómir keshpesin dep biz komandamyzben memleketimizge qoldaý kórsetip júrmiz. Buǵan biz eshqandaı aqy suramaımyz. Al qabyrǵalarǵa túrli sýretter salý – ol barlyq adamǵa ońynan áser eteri sózsiz. Óıtkeni, úılerine ketken balany osynda qaıta kelgende, emdelip shyǵamyn degen nıetpen kelse deımiz. Ol jerdegi sýretterge qarasańyz, aýrýhana dep aıtpas edińiz. Balalardyń lageri, balabaqsha nemese demalatyn oryn dep qalasyz. Biz em alýshy balalarǵa da, emdeýshi dárigerge de olardyń kóńilderi kóterińki kúıde júrsin degen nıetpen osylaı qoldaý kórsetip júrmiz», - deıdi ıdeıa avtory.
Sýretshiler toby Qurmanǵazy kóshesindegi onkologııalyq aýrýhananyń, Balalar hırýrgııasy Ulttyq ǵylymı ınstıtýtynyń MRT, KT apparattary bólmelerin, pýlmanologııa bólimshesin, Almaty oblystyq aýrýhananyń balalar onkogematologııa bólimshesiniń, Astanadaǵy balalar aýrýhanasynyń onkologııalyq bólimshesin, Almatydaǵy №2 aýrýhananyń onkologııalyq bólimshesin árlep shyqqan.
Bul qabyrǵalarda qazir Korneı Chýkovskııdiń kóptegen ertegileriniń keıipkerleri tur.
Qazir kóptegen balalardy emdeý oryndarynyń bas dárigerleri shyǵarmashylyq ujymdy shaqyryp jatyr.
«Múlde qozǵalyssyz jatatyn balalar bar. Olar 1 aı úıine barsa, kelesi aıda aýrýhananyń surqaı qabyrǵalaryna qaıta oralady. Solardyń kóńilderin bár sátke bolsyn, kóterý, balalarǵa jaqsy kóńil-kúı syılaý arqyly biz bir úles qosqymyz keldi», - dedi avtor.
Sondaı-aq, ol sýretter salatyn boıaýlardyń sapasy óte joǵary jáne arzan emestigin de aıtty. ıAǵnı, olar Italııa men Rossııa birlesip jasaıtyn boıaýlardy qoldanady.
Bul boıaýlar 5 jyl ishinde formaldegıdterdi sińirip, aýany tazalap turady. Shetelde muny aýrýhanalardy, balalar ashanasyn, balalar júrgen jerlerdi boıaýǵa qoldanady eken.
Qaterli isikke qarsy kúres kúni qarsańynda QR Balalar quqyǵy boıynsha ombýdsmen Arýjan Saın men Álııa Sarbalına birige otyryp, targettik sáýlelendirýge baratyn balalarǵa 16 sýpermen betperdesin jasap bergen.
Bir mekemeni boıap shyǵý úshin sýretshiler 70 000 teńgege boıaý satyp alady. Bul qarajatty Arýjan Saın, Elıa Alıeva, Janna Nurǵısanova bergen.
Balalar bul kartınalardy qýana qabyldaıdy.
«Balalar óte rıza bolady. Aıaqtyń arasynda oratylyp, shýlap júredi. Tipti sýretimizdi búldiredi. Keı kezde bizge qosylyp salady. Ony lakpen boıap eskertkish retinde qaldyryp qoıamyz. Bul – balalarǵa qajetti art-terapııa, Onyń da emdelýge qosatyn úlesi bar», - dedi Álııa Sarbalına.
Bolashaqta ıdeıa avtorlary aýrýhanadarda qazaq ertegileriniń keıipkerlerin salýdy josparlap otyr.
