Almatylyq sýretshi Facebook-tiń tikeleı efırinde asylyp qaldy
ALMATY. QazAqparat - Almatylyq sýretshi Facebook-tiń tikeleı efırinde asylyp qaldy. 30 jastaǵy jigittiń denesin otbasy músheleri búgin tańerteń taýyp alǵan, dep habarlaıdy QazAqparat tilshisi.
Іle aýdandyq Іshki ister bólimine habarlama tańerteń túsken. Oqıǵaǵa qatysty oblystyq ІІD-niń baspasóz qyzmeti túsinikteme berdi.
«Qazir atalǵan derek QR QK-niń 105-baby 1-bóligi boıynsha sotaldy tergeý tizilimine tirkeldi. Sot-medıtsınalyq saraptama taǵaıyndaldy», - dep atap ótti baspasóz qyzmetinen.
Málim bolǵandaı, marqum Facebook-tiń tikeleı efırine qosylyp, óz-ózine qol salǵan. Bul týraly BAQ ókilderine suhbat bergen marqumnyń dosy, jýrnalıst Alena Mıroshnıchenko habarlady.
«Ol aşy sýdy kóp ishetin. Sońǵy eki kúnde toqtamastan ishken. Týysqandary ony syrtqa shyǵarmaǵan, ishimdigin tartyp alǵan. Sonda da bir jerden taýyp ishken. Buǵan mas kúıinde barǵan ǵoı. Ólim týraly buryn da jıi aıtatyn. Túnde ǵana arqandy ustap otyryp, kúızeliske toly posttar jazǵan. Paraqshasy jabylyp qapty», - dedi A.Mıroshnıchenko.
Onyń aıtýynsha, Bekjan Qankenov ekeýi jelide ǵana emes, ómirde de dos bolǵan.
«Saý kezinde jaqsy adam, 2014 jyldan beri tanımyn. Men ony birneshe ret narkodıspanserge jatqyzýǵa tyrystym. Únemi bas tartatyn», - dedi A.Mıroshnıchenko.
