Almatylyq sý doby sheberleri Reseı chempıonatynda erler arasynda úzdik bestiktiń qataryna endi
ATY. 4 mamyr. QazAqparat /Erlik Erjanuly/ - Qazaqstandyq sý doby sheberleri 8 jyl burynǵy nátıjesin qaıtalap, Reseı chempıonatynda bıyl da 4-oryn aldy.
Bul jaıly «Astana-Qazaqstan» komandasynyń jáne ulttyq quramanyń bas bapkeri Sergeı Drozdov búgin Almatyda ótken baspasóz máslıhatynda aıtty.
«Biz bıyl araǵa 6 jyl salyp Reseı chempıonatynda qaıta baq synaǵan edik. Komanda kileń jastardan jasaqtalǵanyna qaramastan sátti óner kórsete aldyq. Oǵan «Samuryq-Qazyna» qorynyń qarjylaı qoldaýy óz septigin tıgizdi», - deıdi Sergeı Drozdov. Reseı chempıony atanǵan «Spartakqa» jartylaı fınalda 8:3, 8:5 esebimen ese jibergen almatylyqtar qola júlde úshin bolǵan synda Qazannyń «Sıntezimen» kezdesken bolatyn. Syrt alańdaǵy bul oıyn da jeńilispen aıaqtaldy. Jalpy qazirgi tańda komanda quramynda burynǵy tájirıbeli oıynshylardan tek qaqpashy Aleksandr Shvedov qana óner kórsetýde. Bas bapkerdiń sózine qaraǵanda, Reseı chempıonatynda bıyl jalpy 11 komanda baq synady. Onda ótken maýsymdaǵy úzdik tórttikke engenderge alǵashqy kezeńnen súrinbeı ótken 2 komanda qosylyp, olar júldeli oryndardy ózara sarapqa salǵan bolatyn. Bul synda qazaqstandyqtar alǵashqy kezeńde ótken jyly altylyqtyń qatarynda óner kórsetken negizgi qarsylastarynan basym tústi. Odan keıingi 2 aınalymdyq synda jartylaı fınalǵa deıin jetti.
