Almatylyq stýdentter hostelderge jatady
Mınıstr stýdentterdi jataqhanalardaǵy oryndarmen qamtamasyz etetin ahýaldyq ortalyqtyń jumysymen tanysty. Ortalyq qyzmetkerleri táýlik boıy demalyssyz stýdentterdi jataqhanaǵa ornalastyrý jáne qoldaý jumystaryn atqarady.
«Qazirgi tańda jataqhana tapshylyǵyn sheshý maqsatynda úsh baǵyt boıynsha jumystar atqarylyp jatyr. Birinshisi – qurylys baǵyty. Stýdentter úıin salý úshin sýbsıdııalyq normatıvter ózgertildi. Qazir jeke menshik qurylys kompanııalarymen belsendi túrde jumys istep jatyrmyz. Ekinshi baǵyt – hosteldermen, qonaqúılermen arnaıy kelisimshartqa otyrý. Búginde Almaty qalasynda 60-qa jýyq hostelmen kelisimshartqa qol qoıyldy. Úshinshi baǵyt boıynsha ár ýnıversıtette ahýaldyq ortalyq qurylyp, belsendi jumys istep jatyr», – dedi mınıstr.
Sonymen qatar S.Nurbek ýnıversıtet basshylaryna tamyzdyń 15-ne deıin jataqhanalardaǵy jóndeý jumystaryn sapaly aıaqtap, hosteldardaǵy sanıtarlyq talaptardy tekserýdi jáne ár stýdenttiń qaýipsizdigine jiti nazar aýdarýdy tapsyrdy.
