Almatylyq sportshylar taekvondodan konfederatsııa kýbogynyń jeńimpazy atandy
ASTANA. QazAqparat - Almatyda ótip jatqan Konfederatsııa kýbogynda taǵy bir jeńimpazdyń esimi belgili boldy. Taekvondodan Almaty qalasynyń sportshylary kýboktyq dodada top jardy, dep habarlaıdy QazAqparat Qazaqstan UOK baspasóz qyzmetine silteme jasap.
Taekvondoshylar fınalynda Túrkistan oblysy men Almaty qalasynyń sportshylary kezdesken bolatyn. Aqtyq synda aıqyn basymdylyqpen almatylyqtar jeńiske jetti. Esep: 82:42.
Almaty sapynda Ádilet Bazarbaev, Erasyl Qaıyrbek, Azamat Teńizbaev, Rahym Ádilhanov jáne Saǵynysh Shymyrbaı baq synady.
Osylaısha, Almaty qalasy taekvondodan Konfederatsııa kýbogynyń ıegeri atandy. Ekinshi orynda Túrkistan oblysy, úshinshi satyda Pavlodar oblysy men Shymkent qalasynyń komandalary.
