Almatylyq sheneýnik zańsyz kóshi-qonmen aınalysqany úshin 3 mln teńge aıyppul tóleıdi

ALMATY. QazAqparat - Almatyda sot qalalyq jumyspen qamtý men áleýmettik baǵdarlamalar basqarmasy (qazirgi Áleýmettik ál-aýqat basqarmasy) basshysynyń orynbasaryna aıyppul saldy, dep habarlaıdy QazAqparat tilshisi.

Qalalyq sottyń baspasóz qyzmeti habarlaǵandaı, sybaılas jemqorlyqqa qarsy kúres ulttyq bıýrosy Almaty departamentiniń mamandary qalalyq Jumyspen qamtý men áleýmettik baǵdarlamalar basqarmasy basshysynyń orynbasaryna qarasty isti tergep bitti.

Oǵan qyzmettik laýazymyn asyra paıdalandy degen aıyp taǵyldy.

«Іs materıaldaryna sáıkes, ol sheteldik jumys kúshin tartýǵa zańsyz ruqsat berip otyrǵan. Sonymen qatar, Zahanov, Karasev, Dúısenbınova degen azamatshalarmen birigip, zańsyz kóshi-qon protsesin uıymdastyrǵan», - dedi Memlekettik qyzmet isteri boıynsha agenttiktiń baspasóz qyzmetinen.

7 maýsymda sot Abýovaǵa 3,3 mln teńge kóleminde aıyppul saldy. Sonymen qatar, oǵan 3 jylǵa memlekettik qyzmetke ornalasýǵa tyıym salyndy.