Almatylyq shekaradan ótý úshin áýejaı qyzmetkeriniń kıimin kıip alǵan
ALMATY. QazAqparat - Almatyda 42 jastaǵy er adam áýejaı qyzmetkeri bolyp kıinip, shekaradan zańsyz ótpek bolǵan. Bul týraly qalalyq áýejaıdyń Feısbýktegi resmı paraqshasynda jarııalandy.
Jolaýshy Almaty - Ýtapao (Pattaııa) reısine bılet alǵan. Biraq ol shekara baqylaýynan ótpeı qalǵan. Er adam shetelge shyǵýǵa tyıym salynǵan azamattar sanatynda bolǵan.
«Búgin túnde áýe qaýipsizdigi qyzmetiniń mamandary 47 jastaǵy er adamdy ustady. Ol jalǵan ótkizý qujatyn jasap alyp, baqylaý-ótkizý pýnktinen ótip ketpek bolǵan. Ol shetelge shyǵýǵa tyıym salynǵanyn bilgen soń qalaıda ushýǵa áreket jasaǵan. Aldyn ala daıyndalǵan áýejaı qyzmetkerleriniń jıletin kıip alyp, qoldan jasalǵan qujatpen baqylaý ótkizý pýnktinen sytylyp ótýdi maqsat tutqan. Tártip buzýshy ustalyp, jelilik polıtsııa bólimshesine tapsyryldy», - dep málim etti áýejaıdan.
Almaty áýejaıy salyq, nesıe, alıment sııaqty tólemder boıynsha boryshy bar azamattarǵa, odan bólek qaryzy joq azamattarǵa da boryshkerler reestrin bir tekserip shyǵýǵa keńes beredi.
Sebebi, keı jolaýshylar óziniń boryshkerler tiziminde bar ekenin kesh bilip jatady.
