Almatylyq shaǵyn fýtbolshylar «Oral kýbogy» týrnırinde ekinshi oryn aldy
ALMATY. 27 tamyz. QazAqparat - Ekaterınborda 21-25 tamyz kúnderi shaǵyn fýtboldan HHІH «Oral kýbogy» týrnıri ótti.
Onda «Qaırat» pen «Tıýmen» komandalary birdeı 13 upaı jınaǵanymen dop aıyrmashylyǵymen túmendikter birinshi, almatylyqtar ekinshi oryn aldy. Túmendiktermen 4:4 esebimen teń túsip, qalǵan oıyndarda basym túsken almatylyqtar qarsylastar qaqpasyn 18 ret dál kózdep, ózderine 13 dop jiberip aldy. Túmendikter bolsa qarsylastaryna 20 dop soǵyp, óz qaqpalaryna 11 dop jibergen bolatyn.
Jarys qorytyndysynda 3-4 oryndy da 7 upaıdan jınaǵan jarys qojaıyndarynyń «Sınara» men Norılskiniń «Norılskıı Nıkel» komandalary bólisti. Al Novosibirdiń «Sıbırıak» komandasy 3 upaımen besinshi oryn alsa, qorjyny bos qaıtqan Jańa Ýrengoıdyń «ıAmal-NÝBK» komandasy týrnır kestesindegi sońǵy oryndy qanaǵat tutty. Sondaı-aq almatylyqtar «eń úzdik qaqpashy» atalymynda, novosibirlikter «úzdik qorǵaýshy», ekaterınborlyqtar «úzdik shabýylshy», túmendikter «úzdik mergen», «úzdik oıynshy», norılsktikter «eń baǵaly oıynshy», jańa ýrengoılyqtar «kórermen kózaıymy» atalymy boıynsha jeńimpaz dep tanyldy.
