Almatylyq sarapshy ótken saılaýdyń erekshelikteri týraly aıtty
Ál-Farabı atyndaǵy QazUÝ professory Alýa Ibraeva saılaýǵa qatysý — bul tek quqyq qana emes, bul Qazaqstan Respýblıkasynyń árbir azamatynyń mindeti dep esepteıdi.
Onyń aıtýynsha, árbir memleket úshin saılaý — úlken saıası is-shara. Saılaýda kámeletke tolǵan árbir azamat óziniń saıası erkin bildire alady.
«Meniń oıymsha, saılaýǵa qatysý – bul tek quqyq qana emes, bul mindet. Sebebi biz árbir azamat ne bolyp jatqanyn bilip, bolyp jatqan protsesterge qatysa alatyn demokratııalyq memlekette ómir súrip jatyrmyz», — dep atap ótti professor.
Sonymen qatar, ol osy jolǵy saılaý basqalardan aıtarlyqtaı erekshe bolǵanyn atap ótti.
«Birinshi erekshelik — bul saılaýdyń demokratııalyǵynda. Birinshi ret bul saılaý búgin de, tipti bir aı buryn da emes, naýryz aıynda, saılaý bolady dep jarııalanyp, praımerız bastalǵan kezde bastaldy. Partııalar óz baǵdarlamalaryn qabyldap, buqaraǵa belsendi shyǵyp, ózderin kórsetýi — bul Qazaqstan úshin jańalyq. Bizdiń zańnamada alǵash ret áıelderge, jastarǵa, múmkindigi shekteýli adamdarǵa 30% kvota bólindi. Bul memlekettiń basqarýyna jańa kúsh keldi degen sóz. Bizdiń memleketimiz úlken progress jolynda.
Ekinshi ereksheligi — júıeniń ózi ózgerdi. Qazir ol proportsıonaldy. Bul degenimiz, bul saılaýda biz Májilis pen jergilikti máslıhattardyń depýtattaryn tańdadyq»,- deıdi ol.
Profesordyń pikirinshe, búkil álemde demokratııalyq memleketterde partııalar adamdardy biriktiredi. Óıtkeni partııaǵa bir nárseni ózgertkisi keletinder kiredi.
Foto: almaty.tv