Almatylyq prank jasaýshy jigit ekinshi ret qamaýǵa alyndy
ALMATY. QazAqparat - Almatyda polıtsııanyń modýldi pýnktinde jáne qoǵamdyq kólik ishinde prank jasaǵan jigit ekinshi ret qamaýǵa alyndy, dep habarlaıdy QazAqparat tilshisi.
Quqyq buzýshynyń ustalǵany týraly Almaty qalalyq polıtsııa departamenti basshysynyń orynbasary Rýstam Abdrahmanov Facebook paraqshasyna jazdy.
Onyń aıtýynsha, prank jasaǵan 1991 jyly týǵan K. esimdi azamat ustalyp, Bostandyq aýdanynyń polıtsııa basqarmasyna jetkizilgen.
«Quqyqbuzýshy Ákimshilik quqyq buzý kodeksiniń 434-baby - usaq buzaqylyq boıynsha jazalanady. Aıtý kerek, bul azamat buryn da joǵaryda atalǵan bap boıynsha jaýapkershilikke tartylyp, jazasyn ótegen»,- dedi Rýstam Abdrahmanov.
Eske salsaq, buǵan deıin almatylyq prank jasaýshy metro men saýda ortalyǵynda prank jasaǵany úshin 10 táýlikke qamaýǵa alynǵan edi.
