Almatylyq polıtseıler jeti jasar eki balany mert qylyp, qashyp ketken avtokólik júrgizýshisin ustady
ALMATY. 5 qańtar. QazAqparat /Ádilet Musahaev/ - Almatylyq polıtseıler jeti jasar eki balany mert qylyp, qashyp ketken avtokólik júrgizýshisin ustady. Bul qaıǵyly jaǵdaı 4 qańtar kni keshki saǵat 6-lardan keıin bolǵan.
Jetisý aýdanynda turatyn 1-synyptyń eki oqýshysy úıleriniń mańynda ıAblochkova kóshesinde oınap júrgen. Kenet osy kóshede úlken jyldamdyqpen kele jatqan «BMV» avtokóligi balalardy qaǵyp ótken.
"Ókinishke qaraı, qatty jaraqat alǵan balalar alǵashqy medıtsınalyq járdem kelgenshe kóz jumǵan. Al «BMV» kóliginiń júrgizýshisi balalarǵa kómek kórsetpek túgili toqtamaǵan da. Ol izin jasyryp, balalardy ólimge qıyp kete barǵan. Krımınalısterdiń jiti tekserýiniń arqasynda kóliktiń synyq bólshekterin taýyp, onyń markasy men túsin anyqtadyq. Biraz ýaqyt ótken soń JPB ınspektorlary qaladaǵy «BMV» markaly kólikterdi tekserýge kirisip, qashqyn júrgizýshini quryqtady", -deıdi Almaty qalasy ІІD-niń Jol polıtsııasy basqarmasy bastyǵynyń orynbasary, polıtsııa polkovnıgi Muhtar Túsipov.
Ol senimhat arqyly kólik júrgizgen 25 jastaǵy almatylyq bolyp shyqqan.
«BMV» avtokóligi onyń týǵan ápkesiniki bolyp shyqty. Ótken keshte dosymen birge kólikke otyrǵan ol jeke menshik sektordan ótip bara jatyp eki balany qaǵyp ketken. Ustalý kezinde ol balalardy kórmeı qaldym dep aqtaldy", - deıdi M. Túsipov.
Ýaqytsha qamaý bólmesine jetkizilgen júrgizýshige QR QK-niń 296-babynyń 3-tarmaǵy boıynsha, "kólik quraldaryn paıdalaný arqyly jol júrý erejesin buzyp, abaısyzda eki adamdy mert qyldy, degen aıyp taǵylýda.
