Almatylyq polıtseıler zańsyz balyq saýdasymen aınalysqan brakonerdi anyqtady
Almaty qalasy Áýezov aýdandyq polıtsııa basqarmasynyń tabıǵatty qorǵaý polıtsııasynyń qyzmetkerleri «Ýyldyryq shashý» aldyn alý sharasy kezinde zańsyz balyq tasymaldaǵan brakonerdi ustady. Er adamnyń shaharda balyqty satý úshin Almaty oblysynan ákelgeni anyqtaldy.
«Ýyldyryq shashý kezinde balyq aýlaýǵa tyıym salynady. Mundaı kezeńde balyq aýlaıtyn brakonerler erejelerdi buzyp qana qoımaı, balyq ýyldyryǵy tabıǵı túrde kóbeıýine zııanyn tıgizedi. Ustalǵan er adamnan 52 kelige jýyq jańa aýlanǵan balyq tárkilendi, olar Almaty oblysynyń tabıǵı resýrstar jáne tabıǵatty paıdalanýdy retteý basqarmasyna beriledi. Bul jumys jalǵasady», – dedi Áýezov aýdandyq polıtsııa basqarmasynyń bastyǵy Ulan Ábilhaıyr.
Atalǵan is-shara ýyldyryq shashý kezeńinde zańsyz balyq aýlaýdy, balyq jáne balyq ónimderin satýdy anyqtaý jáne jolyn kesý boıynsha profıldik qyzmetterge kómek kórsetýge baǵyttalǵan.
