Almatylyq polıtseıler zańbuzýshylyqty anyqtaý úshin portatıvti beınetirkegish qoldanady

ALMATY. QazAqparat – Almatylyq polıtseıler quqyqbuzýshylyqty anyqtap, zańsyz áreketterdiń jolyn kesý úshin portatıvti beınetirkegishterdi belsendi paıdalanyp jatyr, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, qazir patrýldik qyzmet pen ýchaskelik polıtsııa ınspektorlary jańa beınetirkegishtermen jabdyqtalǵan.

«Beınejetondar qyzmettik mindetterdi oryndaǵan sátten bastap aıaqtalǵanǵa deıin qosylyp, úzdiksiz jazylady. Búginde ınnovatsııalyq sheshimdi engizý arqyly polıtsııa qyzmetkerleriniń zańsyz áreketi derekteri aıtarlyqtaı azaıdy. Sonymen qatar beınetirkegishterdegi jazbalar quqyq qorǵaý qyzmetkerine qarsy qandaı da bir quqyqbuzýshylyq jasalsa, senimdi qorǵaý qyzmetin atqarady», - dep habarlady qalalyq polıtsııa departamentiniń baspasóz qyzmeti.

Polıtsııa sondaı-aq onlaın qosymshasy bar jańa beınetirkegish qurylǵylary bir ýaqytta aýdıo jáne beıne jazýǵa, ár qyzmetkerdiń áreketin onlaın baqylaý júrgizýge jáne daýyspen basqarý múmkindigi bar ekenin habarlady.