Almatylyq polıtseıler úıinen ketip qalǵan 9 jasar balany taýyp, anasyna tapsyrdy
ALMATY. QazAqparat - Almatylyq polıtseıler úıinen ketip qalǵan 9 jasar balany taýyp, anasyna tapsyrdy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, senbi kúni keshki ýaqytta toǵyz jasar bala aǵasymen urysyp qalyp, syrt kıimsiz úıden shyǵyp ketken.
Ata-anasy ózderi izdep tappaǵan soń polıtsııaǵa júgindi.
Іzdeýge Alataý aýdandyq polıtsııa basqarmasy bastyǵynyń orynbasary Danııar Omarovtyń ózi qosyldy.
Aýdandaǵy barlyq ýchaskelik ınspektorlar aıaǵynan tik turǵyzyldy, barlyq kireberister men jertóleler muqııat tekserildi, úıde qalǵan uıaly telefon da qaraldy.
Beınebaqylaý júıesin tekserdi.
«Nátıjesinde ulymyz tabyldy. Almaty polıtsııasynyń basshylyǵyna, Danııar Omarov pen onyń áriptesteriniń kásibıligine rıza boldym. Qolastyndaǵy qyzmetkerlerińizdiń arasynda osyndaı jandardyń barynsha kóp bolýyn shyn júrekten tileımiz, óıtkeni azamattardyń ómirin saqtaýǵa olar dańq úshin emes, júrek qalaýymen barady», – dedi tabylǵan balanyń ata-anasy.
