Almatylyq polıtseıler sýıtsıdtiń aldyn aldy
ALMATY. QazAqparat – Almaty qalasynda polıtseıler óz ómirin ólimge qımaq bolǵan er adamdy qutqardy, dep habarlaıdy QazAqparat tilshisi.
Almatylyq polıtseıler WhatsApp messenjerine kelgen habarlama arqyly sýıtsıdtiń aldyn aldy. Páterlerdiń birinde sýıtsıd týraly habarlama ýchaskelik ınspektorǵa kelip túsken.
Alataý aýdandyq polıtsııa basqarmasynyń bastyǵy Іlııas Ómirserikovtyń aıtýynsha, habarlamany ózine qol salmaq bolǵan adam jibergen.
Habarlamada kórsetilgen mekenjaı boıynsha dereý jetken qyzmetkerlerge páterdiń esigin eshkim ashpaǵan. Ýchaskelik ınspektorlar páterge terezeden kirýge májbúr boldy.
Er adam arqannan ilmek jasap, ózine qol jumsamaq bolǵan.
Onymen áńgimelesý barysynda ınspektorlar depressııalyq kóńil-kúıdi jáne densaýlyǵynyń syr bergenin baıqady.
Oqıǵa ornyna dárigerler shaqyryldy, olar er adamdy odan ári tekserý úshin alyp ketti.
«Sondyqtan ýchaskelik polıtseılerdiń telefon nómirlerin bilý óte mańyzdy. Meniń Facebook jelisindegi paraqshamda paıdalanýshylar bizdiń aýdannyń ýchaskelik polıtsııa ınspektorlarynyń barlyq baılanys derekterin kóre alady. Azamattar kez kelgen ýaqytta olardan kómek suraı alady», – deıdi Alataý aýdandyq polıtsııa basqarmasynyń bastyǵy Іlııas Ómirserikov.
