Almatylyq polıtseıler planshetpen tolyq qamtamasyz etildi
ALMATY. QazAqparat - Almaty polıtsııasy avtokólikpen jáne elektrondy hattama toltyrý úshin planshettermen tolyq qamtamasyz etildi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Jumys sapary kezinde Almaty ákimi Baýyrjan Baıbek otandyq óndiriste shyǵarylǵan ári gazben jumys isteıtin 70 jańa avtomobıldi kórdi. Polıtsııa avtoparkiniń kólikpen tolyq qamtylýy vedomstvanyń jedel jumysyna oń yqpalyn tıgizetin bolady.
Qala polıtsııasynyń basshysy Serik Kúdebaev ár avtomobıldiń GPS-navıgatorymen jáne vıdeo-aýdıo fıksatsııalarmen jabdyqtalǵanyn aıtty.
Budan ózge, barlyq jol-patrýl qyzmeti planshettermen jáne keýdege ilinetin vıdeoregıstratorlarmen qamtylǵan. Osynyń arqasynda hattamalar tek elektrondy varıantta jasalady, al keler jyldyń birinshi toqsanynda aıyppuldar tártip buzylǵan jerde banki kartasy arqyly birden tólenedi.
Qala ákimi turǵyndardyq qaýipsizdigi qalamyzdy turaqty damytýdyń basty býyny bolyp tabylatynyn atap ótti.
«Qazirgi kezde biz qaýipsizdik salasyna ınformatızatsııa jańalyqtary, ıaǵnı sybaılas jemqorlyqqa ákeletin adam faktoryn barynsha azaıtý úshin jańa tehnologııalardy engizip jatyrmyz. Vıdeobaqylaý kameralarynyń sany artyp keledi. Ondaǵy maqsat - aıyppul salýda ǵana emes, kólik qozǵalysyn tártipke shaqyryp, apatty jaǵdaılardy azaıtýda bolyp otyr. 3 jyl ishinde qalanyń jergilikti bıýdjetinen polıtsııany jabdyqtaýǵa jetkilikti qarjy bólindi, sondyqtan biz servıstik prıntsıp boıynsha polıtsııadan jumys tıimdiligin arttyrýdy talap ete alamyz», - dedi Baýyrjan Baıbek.
Jalpy qala polıtsııasynyń materıaldyq-tehnıkalyq jaraqtanýy 87%-ǵa deıin jetti. Sońǵy úsh jyl ishinde 468 birlik qyzmettik kólik alyndy. Qalanyń barlyq aýdandarynda jergilikti bıýdjet esebinen ashyq front-ofıster ashylady.
Bolashaqta «102» qyzmeti jetildiriledi. Onda operator bolyp jumys jasaıtyndardyń sany 2,5 ese artqan.
Aıta ketý kerek, E-aıyppul jobasy byltyr mamyrda testilik rejımde iske qosylǵan bolatyn. Atalǵan jobany QR Bas prokýratýrasynyń Quqyqtyq statıstıka jáne arnaıy esepke alý komıteti usyndy.
