Almatylyq polıtseıler kópirden sekirmek bolǵan qyzdy qutqardy
ALMATY. QazAqparat – Almatylyq polıtseıler kópirden sekirmek bolǵan qyzdy qutqardy, dep habarlaıdy QazAqparat tilshisi.
Oqıǵanyń vıdeosyn Almaty qalalyq Polıtsııa departamentiniń Bostandyq aýdandyq polıtsııa basqarmasynyń bastyǵy Dáýren Ótebaev Facebook -taǵy paraqshasynda jarııalady.
«Búgin polıtsııa qyzmetkerleri Sátbaev-Baızaqov kóshesiniń boıyndaǵy kópirden sekirmek bolǵan qyzdy qutqardy. Óz-ózine qol jumsamaq bolǵan boıjetken týraly 102 nómirine jáne qalalyq Tótenshe jaǵdaılar departamentine Almaty Taýers ǵımaratynyń kúzet basshysy habarlap aıtty»,– delingen vıdeoda.
Almaty Polıtsııa departamentiniń baspasóz qyzmeti naqtylaǵandaı, oqıǵa búgin tańerteń boldy.
«Patrýldik polıtsııa qyzmetkerleri qyzdyń ómirin saqtap qaldy. Olar sol mańnan ótip bara jatqan. Boıjetken kópirdiń syrtqy qorshaýyna shyǵyp alǵan. Polıtseıler ony raıynan qatarýǵa tyrysyp, áńgimege tartty, sol kezde polıtseılerdiń biri qyzdy ustap alyp, sekirýge múmkindik bermedi «, -dep habarlady qalalyq polıtsııadan.
