Almatylyq polıtseıler qaraly qańtarda zardap shekken áriptesterine bardy

ALMATY. QazAqparat - Almatyda jappaı tártipsizdikterdi, lańkestik áreketterdi aýyzdyqtaý, qarýly shabýyldardy toıtarý kezinde Almaty polıtsııasynyń 3 qyzmetkeri qaza tapty, 1 myńnan astamy jaralandy, dep habarlaıdy QazAqparat tilshisi qalalyq Polıtsııa departamentine silteme jasap.

«Eń bastysy – qyzmetkerler qıyn-qystaý kezeńde sheginbeı, óz densaýlyqtaryn sarp etip, azamattardyń, eldiń, qalanyń qaýipsizdigin qorǵady. Osy qıyn sátte olar óz mindetterine, antyna adal boldy. Bizdiń qyzmette «dostyq ıyq» uǵymy – kıeli. Taǵdyrdyń jazýymen qazir qatarda joq áriptesterimizdi eshqashan nazardan tys qaldyrmaımyz. Qashan da jandarynan tabylamyz, árkez kómektesýge daıynbyz», – dedi Almaty qalalyq Polıtsııa departamenti bastyǵynyń orynbasary Oljas Myrzabekov.
Eske salaıyq, qańtar aıynyń basynda tártipsizdikterdi jáne basqa da zańsyz áreketterdi basý kezinde júzdegen agressıvti adam polıtsııa qyzmetkerlerine, áskerı qyzmetshilerge birneshe ret shabýyl jasap, soqqyǵa jyqty.
5 qańtarda Almaly aýdandyq polıtsııa bóliminiń ákimshilik ǵımaratyna jasalǵan shabýylǵa toıtarys berý kezinde eki polıtsııa qyzmetkeri Alen Asylhanov pen Rınat Qambetov qaza tapty. Taǵy bir tártip saqshysy Nurbolsyn Almasov strategııalyq mańyzy bar nysandy qorǵaý kezinde ajal qushty. Áskerı jáne qyzmettik boryshyn óteý kezinde kórsetken erlikteri úshin atalǵan polıtseıler qaıtys bolǵannan keıin ІІІ dárejeli «Aıbyn» ordenimen marapattaldy.
«Іshki ister mınıstrligi basshylyǵynyń, Almaty qalalyq Polıtsııa departamenti basshylyǵynyń, jeke quramynyń, sondaı-aq barsha qazaqstandyqtardyń atynan áriptesterimizdiń tezirek saýyǵyp ketýine tilektespiz jáne azamattardyń qaýipsizdigi men eldegi turaqtylyqtyń ıgiligine qyzmetterin jalǵastyrýlary úshin olardy qatarda kóremiz dep shyn júrekten úmittenemiz», – dedi Oljas Myrzabekov.