Almatylyq polıtseıler arnaıy operatsııa nátıjesinde 43 kún boıy qaraqshylardyń qamaýynda bolǵan 34 jastaǵy kásipkerdi bosatty
ALMATY. Qyrkúıektiń 27-si. QazAqparat /Erlik Erjanuly/ - Keshe Almatyda 43 kún buryn qylmyskerler urlap áketken "El Invest company" JShS-niń Dırektorlar keńesiniń tóraǵasy Edgar Saldýzı bosatyldy,
dep habarlaıdy QazAqparat Qazaqstan baspasóz klýbynyń málimdemesine silteme jasap.
Quqyq qorǵaý organdary bul arnaıy operatsııany keshe kúndiz júzege asyrǵan. Qazirgi tańda belgili bolǵany, 34 jastaǵy kásipkerdiń densaýlyǵy qanaǵattarlyq deńgeıde. Quqyq qorǵaý organdarynyń qyzmetkerleri endi bul qylmysqa qatysy bolýy múmkin dep sanalatyn ózge azamattardy da anyqtaý jumystaryn júrgizýde. Jalpy Edgar Saldýzıdi qylmyskerler tamyzdyń 14-i kúni urlap áketken bolatyn. Kúıeýiniń joǵalyp ketkeni týraly sol kúni bıznesmeniń áıeli Anastasııa Saldýzı Medeý aýdandyq ishik ister basqarmasyna ótinish túsirgen edi.
