Almatylyq polıtseı áıeldi aman alyp qaldy
ALMATY. QazAqparat - Órtenip jatqan úıden áıeldi aman alyp shyqqan polıtsııa qyzmetkeri marapattaldy, dep habarlaıdy QazAqparat tilshisi.
Aıta ketý kerek, tótenshe jaǵdaı osydan 1 aı buryn «Qazaqfılm» shaǵyn aýdanynda 5 qabatty úıdiń 4-qabatynda bolǵan.
Ýchaskelik polıtseı Darhan Aıymbetov kezekshilik kezinde 5 qabatty úıden qoıý tútin shyǵyp jatqanyn kórgen.Tártip saqshysy uzaq oılanbastan tútindep jatqan páterge kirip ketip, úıdiń ıesi - áıeldi alyp shyqty.
«Almaty qalalyq TJD basshysy Serik Áýbákirov polıtsııa maıory, Bostandyq aýdanynyń №47 tirek pýnktiniń polıtseıi Darhan Aıymbetovty adam ómirin arashalap qalǵany úshin «Tótenshe jaǵdaıdaǵy erligi úshin» degen medalmen marapattady. Tártip saqshysy qym-qýyt jaǵdaıda qyraǵylyǵyn joǵaltpaı, áıeldi ólimnen aman alyp qaldy», - dedi qalalyq TJD resmı ókili Sandýǵash Baımuhambetova.
