Almatylyq parasportshy qyzdyń protezge jınalǵan aqshasy urlandy
ALMATY. QazAqparat – Almatylyq parasportshy, ústel tennısinen sport sheberi Baqytgúl Álimbekova alaıaqtardyń qurbany boldy, dep habarlaıdy QazAqparat tilshisi.
Parasportshy qyz aıaǵyna jańa protez jasatý úshin qazaqstandyqtar jınap bergen 600 myń teńgesinen aıyrylyp qaldy.
Ony alaıaqtar aldap soqqan. Beıtanys adam qońyraý shalyp, shotyna 120 myń teńge aýdarǵysy keletinin aıtqan. Solaı, jeke málimetterin surap alǵan. Keıin onyń kartasyndaǵy aqshanyń barlyǵy joǵalyp ketken. Bul týraly Facebook-te Dala.fm radıosynyń júrgizýshisi Ekaterına Cherkashına da jazdy.
«Dostar, Baqytgúl Álimbekovanyń protezine aqsha jınaý áli de jalǵasýda. Birneshe kún buryn jınalǵan 600 myń teńge onyń shotynan alaıaqtyq jolmen alyndy. Kaspıı bank pen polıtsııa bul máselemen aınalysýda», - dep jazdy ol.
B. Álimbekova 15 jasynda baspaldaqtan qulap, jaraqat alǵan. Bul jaraqaty gangrenanyń damýyna alyp kelgendikten, dárigerler sol aıaǵyn kesip tastaýǵa sheshim qabyldaǵan.
