Almatylyq patsıentter aq halattylarǵa alǵys aıtty
ALMATY. QazAqparat — Almatyda patsıentter dárigerlerge alǵys aıtty. Olardyń biri № 4 qalalyq aýrýhananyń juqpaly aýrýlar bóliminde em alǵan Abdýl Arsýnýhaev, dep habarlaıdy QazAqparat tilshisi.
«Men eki apta syrqattanyp, densaýlyǵym túzelmegen soń dáriger kómegine júgindim. 18 aqpanda jansaqtaý bóliminen biraq shyqtym. 4 kún sol jerde em aldym. Jaǵdaıym tym múshkil boldy. Dárigerlerdiń arqasynda qulan taza aıyqtym. Bólimshe meńgerýshisi Tımýr Tahırulyna shyn júregimmen alǵysymdy bildiremin. Óıtkeni ol men sııaqty syrqattardyń talaıynyń dertine shıpa bergen jan. Kúni boıy palatalarǵa kirip, árbir jannyń densaýlyǵyn surap, baqylap júredi. Ómirimde osy ýaqytqa deıin bir de bir ret aýrýhanaǵa jatyp kórmeppin. Barlyq medıtsına qyzmetkerlerine rahmet aıtamyn», — dedi Abdýl Arsýnýhaev.
Patsıent syrqattardyń ómiri úshin dárigerlerdiń qalaı jantalasqanyn óz kózimen kórgenin aıtty.
«Olardyń eptilikterine súısindim. Árbir syrqatty kútip-baptap, kózderinen tasa etpeıdi. Juqpaly aýrý bólimshesiniń árbir qyzmetkerine alǵysymdy bildiremin. Olar — úlken júrekti Adamdar!», — dedi Abdýl Aılamýruly.
