Almatylyq óziniń kóligin ózi urlaǵan
ALMATY. QazAqparat - Almatyda óz kóligin lombardqa qoıyp, urlandy dep aryzdanǵan adam ustaldy, dep habarlaıdy QazAqparat tilshisi qalalyq polıtsııa departamentine silteme jasap.
«30 jastaǵy kólik ıesi jerlesimen birge jospar qurǵan. Olar «Toıota Kamrı-70» kóligin lombardta kepilge qoıyp ketken. Sodan soń dámhanalardyń birine baryp tamaq iship alǵan soń, polıtsııaǵa kóliginiń joǵalǵany týraly aryzdanǵan», -dedi qalalyq Polıtsııa departamentiniń Krımınaldyq polıtsııa basqarımasynyń basshysy Esen Ysqaqov.
Polıtsııa izdestirý jumystaryn bastaǵan kezde «urlanǵan» kóliktiń lombardta kepilde turǵanyn anyqtalǵan.
Kólik urlaý dereginen saqtandyrylǵan bolyp shyqty.
«Kúdiktiler ekinshi suraq-jaýaptan soń kólikti ózderi urlaǵandaryn moıyndady. Olar kólikti lombardqa 8 000 000 teńgege kepildikke qoıǵan ári aqshany alǵan. Saqtandyrý somasy shamamen 12 000 000 - 13 000 000 teńge shyǵatyn edi. Atalǵan derekke baılanysty QR QK 419-babynyń 3-bólimimen sotqa deıingi tergeý jumystary bastaldy. Al kúdiktiniń sybaılasyna qatysty QR QK 420-babynyń 2-bólimimen qylmystyq is qozǵaldy. Al kólikti alyp ketken adamdy tabý - ýaqyt enshisinde», - dedi Ysqaqov.
Qostanaı oblysynyń týmalary munyń aldynda kólik urlap, esirtki zattaryn satqany, qyz zorlaǵany úshin qylmystyq jaýapkershilikke tartylǵan bolyp shyqty.
Aıta ketý kerek, buǵan deıin 34 jastaǵy Almaty turǵyny óz kóligin ózi urlap, polıtsııa qyzmetkerin soqqyǵa jyqqanyn habarlaǵan bolatynbyz.
Ol kólikti urlatyp jiberip, saqtandyrý polısin alǵysy kelgen
