Almatylyq otbasy dárigerlerdi qoldap, án jazdy
ALMATY. QazAqparat - Almaty qalasyndaǵy №159 gımnazııanyń oqýshysy otbasymen birge «Dárigerge myń alǵys» ánin jazdy. Bul týraly Facebook paıdalanýshysy Polına Shımanskaıa jazdy.
Aıtylyp ótkendeı, ánniń sózi men mátinin otaǵasy Dáýren Berikuly jazǵan. Ol mamandyq boıynsha zańger bolǵanymen, otbasynyń ózge músheleri syndy mýzykany jan-tánimen jaqsy kóredi.
Onyń tuńǵyshy Dinmuhamed mýzykalyq mektepke de, aǵylshyn tilin úıretetin ortalyqqa da barady. Sebebi ol aty álemge áıgili ánshi bolýdy armandaıdy eken.
«Al qazir ol koronavırýspen kúresip jatqan dárigerlerdi qoldap, januıasymen birge án shyrqady. Bizdi qaýipten qutqaryp jatqandar úshin qol soǵyp qoıaıyqshy», - dep jazdy post avtory.
