Almatylyq órt sóndirýshiler qansha jalaqy alady

ALMATY. QazAqparat - Almaty qalasynyń tótenshe jaǵdaılar departamentiniń basqarma basshysy órt sóndirýshilerdiń eńbekaqysy týraly aıtyp berdi, dep habarlaıdy QazAqparat tilshisi.

Almaty qalasy tótenshe jaǵdaılar departamenti kadr saıasaty basqarmasynyń basshysy Sáýle Shakalova onlaın brıfıng barysynda órt sóndirýshilerdiń eńbekaqysy jaıynda aıtty.

Onyń aıtýynsha, órt sóndirýshiniń eńbekaqysy onyń azamattyq qorǵaý organdaryndaǵy qyzmet ótiline, synyptyq biliktiligine jáne shenine baılanysty esepteledi.

«Máselen, qazirgi tańda serjant bir jylǵa deıin ortasha mólsherde 115 myń teńge jalaqy alady. Al azamattyq qorǵaý organdarynda 20 jyldan astam eńbek ótili bar, sondaı-aq «birinshi sanatty tálimger maman» biliktiligi bar órt sóndirýshi 185 myń teńge kóleminde jalaqy alady», - dedi spıker.

Sondaı-aq, Sáýle Shakalova 2020 jyldyń 1 qańtarynan bastap órt sóndirýshilerdiń jalaqysy 65 paıyzǵa kóterilgenin atap ótti.

«2020 jyldyń 1 qańtarynan bastap azamattyq qorǵaý organdary qyzmetkerleriniń laýazymdyq jalaqysy 20-dan 65 paıyzǵa deıin saralap kóbeıtilgen. ıAǵnı, 2020 jyldyń 1 qańtarynan bastap órt sóndirýshilerdiń jalaqysy 65 paıyzǵa kóterildi. 2021 jyly órt sóndirýshilerdiń jalaqysy 10%-ǵa kóterilse, bıyl bul paıyzdyq araqatynas 3%-ǵa ósti»,- dedi Almaty qalasy tótenshe jaǵdaılar departamenti kadr saıasaty basqarmasynyń basshysy Sáýle Shakalova.