Almatylyq órt sóndirýshi salmaǵy 15 tonnadan asatyn mashınany súıredi
Almatynyń órt sóndirýshileri ekstremaldy jaǵdaıda ózderiniń kásibı is-qımyl daǵdylaryn, kúshin, eptiligin jaýyngerlik kıimde, kerek-jaraq pen tynys alý quraldarymen oryndap kórsetti.
«Máselen, № 4 mamandandyrylǵan órt sóndirý bóliminiń aǵa órt sóndirýshisi Sadyq Dáýlet órt sóndirý jeńiniń kómegimen, salmaǵy 8 tonnadan asatyn Gazon NEXT órt sóndirý avtokóligin 20 metrge súıredi. Sondaı-aq atalǵan órt sóndirý bóliminiń qzmetkeri Dáýlet Talqambaev beltemirde kúshtik jattyǵýlar keshenin kórsetti. Al №2 mamandandyrylǵan órt sóndirý bóliminiń aǵa ınjeneri Báden Qarabatyr órt sóndirý jeńin baılap alyp ornynan salmaǵy 15 tonnadan asatyn «ÝRAL» órt sóndirý mashınasyn jyljytyp, birneshe metrge súıredi», - dep habarlady qalalyq Tótenshe jaǵdaılar departamentiniń baspasóz qyzmetinen.
Sport chellendji barysynda №2 mamandandyrylǵan órt sóndirý bóliminiń mamany Sembaı Jarasym tynys alý apparatyn kıip, úsh ıindi jyljymaly baspaldaqtyń tar satylary arasynan ótip shyqty.
«Sonymen qatar QR TJM Almaty qalasy boıynsha M. Ǵabdýllın azamattyq qorǵaý akademııasynyń oqý ortalyǵynyń tyńdaýshysy kúshtik krossfıt-jattyǵý elementterin oryndap, «ÝRAL» avtokóligi dóńgeleginiń salmaǵy 100 kelige jýyq shınasyn jyldamdyqqa aýdardy»,- dep atap ótti vedomstvodan.
