Almatylyq onkologtar jutqynshaq qaterli isigine shaldyqqan 79 jastaǵy qarııanyń ómirin saqtap qaldy

Almaty onkologııalyq ortalyǵyna asqynǵan qaterli isigi aýrymen 79 jasar patsıent kelip tústi. Dárigerler oǵan eki jaq moıynnyń lımfotúıirshikteriniń metastazdyq asqynýymen 4-satydaǵy jutqynshaq kómeıdiń qaterli isigi, ezofagofarıngostoma dıagozyn qoıdy.

Naýqastyń aýrýhanaǵa túsken kezdegi salmaǵy nebári 45 keli bolǵan. Sebebi, ol suıyq tamaqtan basqa eshteme jeı almaǵan.

Ortalyqtyń onkolog- dárigerlerimen 2 kezeńdegi 2 operatsııa jasaldy. Birinshi kezeńde jutqynshaq kómeıdiń, óńishtiń moıyn jaǵynyń sheńberli rezektsııasymen radıkaldy larıngektomııasy jasaldy. Eki jaqty moıyn lımfodıssektsııasy. Sodan, ezofagofarıngotrahetosmanyń 3 stomy týyndady, qarapaıym sózben, moıyn jaǵy men aýyz qýysynyń 3 keńistigi paıda boldy.

Birinshi júrgizilgen operatsııadan soń 6 aı patsıent zont arqyly tamaqtandy. Osy ýaqytta naýqas sáýlelik terapııadan jáne hımıoterapııanyń 4-kýrsynan ótti, ıaǵnı, tolyǵymen keshendi túrde emdeldi.

Ekinshi kezeńde onkolog-hırýrgtar óńeshtiń moıyn jaǵynan jáne daýystyq protezdi ornatý arqyly kómeıdi qalpyna keltirý boıynsha operatsııa jasady.

«Biz úlken keýde qýysyn qosý arqyly aldyńǵy keýde qabyrshaqtarynyń tamyrynan teri-bulshyqet loskýtyn alyp, moıyndy japtyq, osylaısha aqaýlyqty ornyna keltirdik. Jasandy óńesh jáne kómeı jasap, daýystyq protezdi ornattyq. Atalmysh operatsııa as qorytý joldaryn qalpyna keltirdi, basqa sózben, patsıent tamaq jeı alady, sondaı-aq, daýystyq protezdi ornatqannyń arqasynda sóıleı alady» - dedi onkolog-hırýrg Sattar Appazov.

Búgingi kúni patsıent salmaq qosyp, qazirgi kezde 58 keli boldy jáne dárigerlerdiń baqylaýynda.