Almatylyq ónertapqysh kózi nashar kóretin jandarǵa arnap qosymsha oılap tapty
Lıýbov Dýdchenko esimdi almatylyq 16 jastaǵy ónertapqysh arnaıy qosymsha oılap tapty. Onyń jobasy Qytaıda jasóspirimder arasynda ótken ǵylymı-tehnıkalyq baıqaýda júldeli orynǵa ıe bolǵan.
«Qosymshanyń jumys isteý prıntsıpi óte qarapaıym», - deıdi Lıýba.
Onyń kómegimen kez kelgen terilgen mátin dybystyq jazbaǵa nemese braıl tańbasyna aýysady. Álemde mundaı baǵdarlamalar bar. Alaıda Lıýbanyń jobasy paıdalaný qarapaıymdylyǵymen erekshe. Sondyqtan ony shetelde joǵary baǵalaǵan.
«Bolashaqta jańa tehnologııalar jasaýmen aınalysqym keledi. Bálkim óz kompanııamdy ashatyn shyǵarmyn. Jobalarym múmkindigi shekteýli jandarǵa arnalady. Olarǵa zamanaýı tehnologııanyń kómegimen kómekteskim keledi», - deıdi Nazarbaev zııatkerlik mektebiniń oqýshysy Lıýbov Dýdchenko.
Dánekerleýshi aspap pen mýltıólshegish - robot jasaýdaǵy negizgi quraldar. Olarmen jumys isteýdi meńgergen jasóspirim qurylǵynyń tehnıkalyq bóligine jaýapty. Al jobany tanystyrý - Selımjan Chalyshkannyń mindeti.
«Jobamen kúni-túni aınalysatyn kezder bolady. Ondaıda mańyzdy máselelerdi de ekinshi orynǵa ysyryp qoıamyz. Jumysyń nátıjeli boly úshin oǵan jan tánińmen berilip isteý kerek», - deıdi Nazarbaev zııatkerlik mektebiniń oqýshysy Selımjan Chalyshkan.
Lıýbov Dýdchenkonyń ınnovatsııalyq qorjynynda ondaǵan ıdeıalar men daıyn jobalar bar. Qazir ol telefonǵa arnalǵan jańa qosymsha jasaýmen aınalysyp júr.