Almatylyq óner ujymynyń ókilderi Arysqa attandy

ALMATY. QazAqparat - QR Mádenıet jáne sport mınıstrligine qarasty Almatydaǵy bes óner ujymy gýmanıtarlyq kómektiń alǵashqy legin jiberdi, dep habarlaıdy QazAqparat tilshisi.

«Arys qalasyndaǵy oqıǵa búkil qazaqstandyqtardyń qaıǵysy. Bul jaǵdaıǵa mádenıet salasynyń qyzmetkerleri de, beı-jaı qaraı almady. Búgin Almaty qalasyndaǵy 5 mádenıet oshaqtarynyń dırektorlary men qyzmetkerleri Arysqa jolǵa shyǵyp baramyz. Biz olarǵa rýhanı jáne materıaldyq turǵydan kómektesýge ázirmiz »,-deıdi Qurmanǵazy atyndaǵy Qazaq ulttyq konservatorııasynyń rektory Arman Júdebaev.

Bul Almatylyq óner ujymdarynyń eki kúnde jınaǵan gýmanıtarlyq kómegi. Ol áli de jalǵasýda. Eki jerde kómek qabyldaý pýnkti ashyldy. Ol konservatorııa men óner akademısynyń ǵımaratynda ornalasqan.

«Arystaǵy baýyrlarymyzǵa qoldaý qajet. M. Áýezov atyndaǵy Qazaq memlekettik akademııalyq drama teatry da, bul aýyrtpashylyqty bólisýge ázir. Teatrymyzdyń aqsaqaldary Asanáli Áshimov, Sábıt Orazbaev, Esmuqan Obaev sııaqty ataqty ártistermen qatar barlyq qyzmetkerler ózderiniń bir kúndik jalaqylaryn aýdardy. Sonymen qatar, qosymsha qarajat jınap, er azamatarǵa, áıelderge, balalarǵa kıimder satyp aldyq»,-dedi atalǵan teatr dırektory Sábıt Ábdihalyqov.

Avtor: Alma Muqanova