Almatylyq oqýshylardyń qamqorlyq týraly jobasy Sılıkon alqabynda bas júlde aldy

ALMATY. QazAqparat - Almatylyq oqýshylar Sılıkon alqabynda ótken Technovation dúnıejúzilik sammıtinde bas júlde aldy, dep habarlaıdy QazAqparat tilshisi.

AQSh memleketiniń Almatydaǵy konsýldyǵy taratqan aqparatqa sáıkes, tórt qyz bala «/flash» tobyn quryp álemdik dodaǵa qatysqan.

Saıys AQSh-taǵy Sılıkon alqabynda 7-11 tamyz aralyǵynda bolǵan.

Technovation-2017 sammıti sheńberinde ótken dúnıejúzilik pıtchıngte (jobany qorǵaý) álemdegi 100-den astam top qatysyp, tek alty top Technovation-2017 sammıtinde jobalaryn qorǵaý múmkindigine ıe boldy.
 

«/flash» tobynyń qyzdary Almatydaǵy tehnologııalyq jáne ınnovatsııalyq hab - MakerspaceAlmaty-da ózderiniń jetekshilerimen birge jasóspirimderdiń qaýipsizdigin kúsheıtýge baǵyttalǵan «QamCare» atty mobıldik qosymshany zerttep, damytyp, baǵdarlamasyn jazdy. 

QamCare mobıldik qosymshasy jasóspirimderge ózderiniń GPS koordınattaryn tótenshe jaǵdaıda óz týystaryna jiberýge múmkindik beredi.  QamCare - qazaq tilindegi Qamqor sóziniń negizin alǵan. Qazaqstandyq qyzdar Úndistan, Armenııa, Kenııa jáne de basqa da qazaqstandyq toppen saıysqa tústi», - dedi AQSh konsýldyǵynyń ókili Gaýhar Muqaman.

Qazaqstanǵa Technovation jobasyn AQSh memlekettik departamentiniń TechWomen baǵdarlamysynyń túlegi Dıana Tsoı 2016 jyly ákeldi.

Almatydaǵy Makerspace úılestirýshisi jáne de amerıkalyq «Open World 2016» almasý baǵdarlamasynyń túlegi Azıza Ibragım «/flash» tobyna jetekshilik etti.

Aıta ketý kerek, qazaqstandyq ekinshi top GoWaCo  qaıta óńdeý boıynsha bilim berý qosymshasymen úzdik altylyqtan kórindi.