Almatylyq oqýshylar Jambyl Jabaevtyń kitap kórmesin tamashalady
ALMATY. QazAqparat – Almatyda A. Chehov atyndaǵy kitaphanada Jambyl Jabaevtyń 175 jyldyǵyna arnalǵan «Alataýdyń asqaq jyrshysy» atty kitap kórmesi uıymdastyryldy, dep habarlaıdy QazAqparat tilshisi.
Almaty qalasynyń mektep oqýshylary uly aqyn, qazaqtyń aýyzsha poetıkalyq óneriniń sheberi Jambyl Jabaevtyń kitap kórmesimen tanysty. Onda aqynyń ómiri men shyǵarmashylyǵy, Otanǵa degen súıispenshilikke toly shyǵarmalary týraly materıaldar usynylǵan.
« Bıyl elimizde Jambyl Jabaevtyń 175 jyldyǵy atap ótiledi. Bul ıgi bastamany bizdiń kitaphanada qoldaıdy. Jyr alyby Jambyl Jabaevqa arnalǵan túrli is-sharalar ótkizemiz. Bizdiń jastar óz tarıhyn bilýi kerek dep sanaımyn», - deıdi kitaphana qyzmetkeri.
Jambyl Jabaev 1846 jyly 28 aqpanda Jambyl taýy eteginde (qazirgi Almaty oblysynyń Jambyl aýdany) dúnıege kelgen. Erkin jáne tentek bolyp ósken ol qobyz ben dombyra tartýdy anasy Uldannan úırendi. Tym erte óziniń poezııaǵa degen qyzyǵýshylyǵyn sezindi. Bala kezinen «Qobylandy», «Alpamys» epostarynan, qyrǵyzdyń «Manas» eposynan, «Rústem týraly ańyz», «Kóroǵly» shyǵarmalarynan úzindiler oryndady.
J.Jabaev qazaq halqy poetıkalyq óneriniń damýyna úlken úles qosty, búkil ómirin jalpyadamzattyq qundylyqtar men jaqsylyqty, ádilettilikti dáripteýge jáne patrıotızmdi tárbıeleýge arnady.
