Almatylyq oqýshylar respýblıkalyq olımpıadada qatarynan segizinshi ret komandalyq 1-oryndy jeńip aldy
ALMATY. 18 naýryz. QazAqparat - Taldyqorǵanda 12-17 naýryz kúnderi jaratylystaný baǵytyndaǵy matematıka, fızıka, ınformatıka, hımııa, bıologııa jáne geografııa pánderi boıynsha IV Respýblıkalyq olımpıada ótti.
Qalalyq bilim basqarmasynyń habarlaýynsha, almatylyq oqýshylar bul básekede komandalyq 1-oryndy jeńip aldy. Olar osymen qatarynan segizinshi ret úzdik shyǵyp otyr. Jalpy bıylǵy jarysqa elimizdiń túkpir-túkpirinen aýdandyq, oblystyq olımpıadada top jarǵan 661 oqýshy qatysqan edi. Onyń elýi - almatylyqtar.
Olımpıada qorytyndysy boıynsha 1-3 oryndy ıelengen 38 oqýshy endi bilim granttaryn ıelenýde túrli jeńildikterge ıe bolmaq. Bul saıysta 9 oqýshy - birinshi, 10 oqýshy - ekinshi, 19 oqýshy úshinshi orynǵa ıe boldy.
