Almatylyq oqýshylar men stýdentter eki kún úıden oqıdy

ALMATY. QazAqparat – Almatyda aldaǵy eki kún mektep oqýshylary men kolledj stýdentteri onlaın oqıdy. Bul týraly qalalyq Bilim basqarmasynan málim etti, habarlaıdy QazAqparat tilshisi.

«2023 jyldyń 12-13 qańtary kúni aýa raıynyń qolaısyzdyǵyna baılanysty 0-11 (12) synyp oqýshylary men kolledjderdiń I, II kýrs stýdentteri qashyqtan bilim berýdi usynýdyń talaby men erejesine sáıkes qashyqtan oqytýǵa kóshiriledi», - delingen Bilim basqarmasynyń málimetinde.

Buǵan deıin Almatyda qalyń qar jaýyp, -25 gradýs aıaz bolatyny týraly jazǵan bolatynbyz.

Sondaı-aq ákimdikte qysqy tazalaý tehnologııasyna sáıkes, qala kósheleri qalaı tazartylatynyn aıtty.

Aıta keteıik, keshe túski saǵat 12:00-de bastalǵan qar toqtaýsyz jaýyp tur.