Almatylyq oqýshylar medıtsınalyq maskany yńǵaıly etetin qurylǵy jasady

ALMATY. QazAqparat - Almaty qalasyndaǵy fızıka-matematıka baǵytyndaǵy Nazarbaev zııaterlik mektebiniń oqýshylary medıtsınalyq maska taqqanda yńǵaıly bolýy úshin arnaıy qurylǵy jasap shyǵardy, dep habarlaıdy QazAqparat tilshisi.

«Bul qurylǵy medıtsınalyq maska rezeńkesiniń qulaqqa qysymyn azaıtýǵa septigin tıgizedi. Qazirgi ýaqytta mundaı qurylǵylarǵa eń aldymen medıtsına qyzmetkerleri muqtaj. Buǵan qosa, maskany únemi taǵyp júrý qolaısyzdyq týǵyzyp, qulaqtyń tý syrtynyń terisin titirkendiretin aıtyp, dabyl qaqqan bolatyn», - delingen atalǵan mekteptiń Facebook paraqshasynda jarııalanǵan aqparatta.

Atalǵan qurylǵy barlyq qysymdy qulaqqa emes, qaraǵusqa túsiredi. ıAǵnı, qaraǵusqa tolyq jatatyn qurylǵyǵa maskanyń qulaqqa ilinetin rezeńkesi jalǵanady. Mundaı qurylǵyny 3D-prınter kómegimen kádimgi plastıkten 15-20 mınýttyń ishinde basyp shyǵarýǵa bolady. Salmaǵy - nebári 3 gramm.

Aıta keterligi, mundaı qurylǵynyń alǵashty toptamasy Almaty qalasyndaǵy №7 aýrýhana dárigerlerine tabystaldy. Dárigerler mektep oqýshylaryna úlken rızashylyqtaryn bildirip otyr.