Almatylyq oqýshylar qurastyrǵan robottar Vashıngtondaǵy saıysta úzdik 10-qa endi
ALMATY. QazAqparat - Almatylyq oqýshylar quraǵan robottar Vashıngtonda ótken saıysta úzdik 10-qa endi, dep habarlaıdy QazAqparat tilshisi.
Muhıttyń ar jaǵynda ótken halyqaralyq FIRST GLOBAL CHALLENGE 2017 jobasyna 160 eldiń komandalary qatysty.
Halyqaralyq jobada Qazaqstannyń namysyn Almatydaǵy fızıka-matematıka jáne hımııa-bıologııa baǵytyndaǵy Nazarbaev zııatkerlik mektebiniń joǵarǵy synyp oqýshylary qorǵady.
Komandada barlyǵy 8 oqýshy boldy.
Aıta ketý kerek, oqýshylar bul qultemirlerdi aqpannan bastap quraǵan.
Uıymdastyrýshylar barlyq komandaǵa robottardyń tek bólshekterin ǵana jibergen. 160 eldiń oqýshylary 5 aı ishinde bir-birimen onlaın rejimde keńese otyryp qurap shyqty.
Komanda múshesi Danısa Sandyqbaevanyń ákesi Qaırat Sandyqbaev jumys protsesiniń qalaı júrgenin aıtyp berdi.
«Barlyq 160 memleket bir komplekt bólshek jiberdi. 8 dóńgelek, 4 qozǵaltqysh, djoıstıkter, bolttar taǵy basqa. Osy bólshekterdi ár komanda árqalaı quraıdy. Ózderi baǵdarlama jasaıdy. Robottar qyzyl jáne kók sharlardy taýyp, anyqtap, olardy bólek jınaýy tıis bolatyn. Oıynnyń negizgi ıdeıasy óskeleń urpaqtyń ekologııalyq máselelerge nazaryn aýdartý. Kók sharlar sýdy bildirse, qyzyl sharlar jer betindegi las dúnıelerdi kórsetedi», - dedi Qaırat Sandyqbaev.
Onyń aıtýynsha, buǵan deıin Nazarbaev ýnıversıtetiniń oqýshylary arnaıy zerthanada fýtbol oınaıtyn robot qurap shyǵarǵan.
Ata-analardyń biri - Aıjan Tilenbekovanyń aıtýynsha, balalar medal almaǵandaryna muńaıyp, bir kún boıy ata-analarymen sóılespeı qoıǵan.
«Fýtbol robottaryn quraý ońaıyraq. Al myna baıqaýǵa robot quraý úshin matematıkalyq, ınjenerlik bilim kerek. Upaı barlyq jaǵynan júrgizildi. Atap aıtqanda, robottardyń qozǵalysy, shardy tabýy, otyryp-turyp alýy, jyldamdyǵy barlyǵy esepke alyndy», - dedi A.Tilenbekova.
Úzdik nátıje kórsetken komanda búgin Vashıngtonnan Almatyǵa ushyp keledi. Ata-analar men mektep ujymy jeńimpaz balalardy kútip alýǵa daıyndalyp jatyr.
