Almatylyq oqýshylar qashyqtan eki aýysymda oqıdy

ALMATY. QazAqparat - Almatyda oqýshylar qashyqtan eki aýysymda oqıdy, dep habarlaıdy QazAqparat tilshisi.

«Sabaq 2 aýysymda ótedi. 1 men 9 synyp oqýshylary úshin oqý protsesi saǵat 08: 30-da bastalady. Al 10-11 synyp oqýshylary men kolledj stýdentteri ekinshi aýsymda oqıdy. Aıta ketý kerek bul naqty sheshim emes. Sebebi, bir otbasynyń úsh balasy da birinshi aýsymda oqýy múmkin. Mundaı jaǵdaılarda dıfferentsıaldy tásildi qoldanamyz», - dedi Almaty qalalyq bilim basqarmasynyń bastyǵy Lázzat Jylqybaeva onlaın brıfıngi barysynda.

Sondaı-aq, ol ár mektep basshysynyń oqý-tárbıe protsesin retteýge quqyǵy bar ekenin jáne balalar sanyna baılanysty aýysymdy ózgerte alatynyn atap ótti.

Buǵan deıin, Almaty qalasynyń ákimi muǵalimder men mektep oqýshylaryna 10 myńnan astam kompıýter bólingenin aıtqan bolatyn.