Almatylyq oqýshylar BAÁ-de mentaldy arıfmetıkadan ótken jarysty jeńip aldy
ALMATY. QazAqparat - Almatydaǵy «Advance» zııatkerlik damytý ortalyǵynyń oqýshylary Birikken Arab Əmirlikterinde mentaldy arıfmetıkadan ótken halyqaralyq jarystan júldeli oraldy, dep habarlaıdy QazAqparat.
Búginde elimizde oqytý ádisterin tıimdi qoldaný
arqyly matematıkalyq bilim berýge basa nazar aýdarylýda. Sonyń biri - mentaldy arıfmetıka ádistemesi. Atalǵan baǵyt boıynsha qazaqstandyqtardyń álemdegi jetistikteri de az emes.
Máselen, osy kúnderi BAÁ elinde aıaqtalǵan mentaldy arıfmetıkadan ótken halyqaralyq jarystan Almatydaǵy «Advance» zııatkerlik damytý ortalyǵynyń oqýshylary jeńispen oraldy. Atap aıtqanda, Bekarys Tashmuhambet, Darhan Baýer, Bekzat Qondybaı, Jumaqan Nurkender jarystyń eń joǵarǵy ataǵy - «Sýper chempıon» atalymynda ozyq shyqty. Sondaı-aq, taǵy 17 oqýshy júldeli oraldy.
Oqýshylardy daıyndap aparǵan Elena Balǵabaevanyń aıtýynsha, bilikti mamandar qazaqstandyq oqýshylardyń kórsetkishterine tańdaı qaqqan. Onyń sózinshe, mentaldy arıfmetıka balalardyń ıntellektýaldy qabiletin kóterýge jáne damytýǵa septigin tıgizedi. Bastysy, halyqaralyq arenalarda eldiń atyn tanytýǵa múmkindik. Sol sebepti atalmysh zııatkerlik ortalyǵy osyndaı aýqymdy jarystardan qalmaýǵa tyrysady.
