Almatylyq oqýshylar áskerı polıgonda daıyndyqtan ótedi
ALMATY. Mamyrdyń 19-y. QazAqparat /Erbol Azanbek/ - Almatynyń Túrkisib aýdanynyń 10-11 synyp oqýshylary QR Aeroutqyr kúshteriniń áskerı polıgonynda daıarlyqtan ótedi.
Búgin aýdandyq Oqýshylar úıinde olardy polıgonǵa attandyryp salý rásimi boldy, dep habarlaıdy QazAqparat.
Mamyrdyń 19-21-y aralyǵynda ótetin jattyǵý sharasyn Túrkisib aýdanynyń ákimdigi, aýdandyq bilim bólimi men qorǵanys bólimi uıymdastyrǵan. «Áskerı- jattyǵý sabaqtary oqýshylarynyń arasynda áskerı- patrıottyq tárbıeni odan ári damytýǵa yqpal etedi jáne áskerı alǵashqy daıyndyqtyń basy bolady. Bundaı jattyǵýlar oqýshylarǵa naǵyz áskerı ómirge daıyndalýǵa múmkindik beredi», deıdi uıymdastyrýshylar.
Áskerı-jattyǵý sabaqtary barysynda oqýshylar taktıkalyq daıyndyq, áskerı qyzmet negizderi, kazarmadaǵy ómir, qarýdy qoldana bilý, deneni shynyqtyrý jáne basqada áskerı jattyǵýlar boıynsha daıyndyqtan ótedi.
