Almatylyq oqýshylar arasynda robototehnıkadan chempıonat ótti
ALMATY. QazAqparat - 21-22 qazan kúnderi fızıka-matematıkalyq baǵyttaǵy Nazarbaev Zııatkerlik mektebinde qalanyń mektep oqýshylary arasynda robototehnıka boıynsha IITU Robocon Games ekinshi chempıonat ótti, dep habarlaıdy QazAqparat.
Bes aı boıy almatylyq 15 oqýshy eki robotty jasap shyǵarýmen aınalysty. Olardyń aldaǵy maqsaty - oıyn alańynda belgili bir ýaqytqa qubyrlardy sharlarǵa toltyrý. Eń kóp upaı jınaǵan komanda jeńiske jetedi.
«2017 jyly daıyndyq qana emes, qyzyǵýshylyq bildirgen aýdıtorııa da arta túsedi degen senimdemin. Keıin, robototehnıka boıynsha ýnıversıtetaralyq týrnırdi ótkizý týraly ıdeıany júzege asyrýǵa múmkin bolady», - dep jazdy Facebook-qa Halyqaralyq aqparattyq tehnologııalar ýnıversıtetiniń rektory Damır Shynybekov.
D.Shynybekov hımııa-bıologııalyq baǵyttaǵy Nazarbaev zııatkerlik mektebin jeńisterimen quttyqtap, robot qurastyrý salasynda bilimdi jetildirý úshin kelesi jyly Halyqaralyq aqparattyq tehnologııalar ýnıversıtetine shaqyrdy.
