Almatylyq oqýshy Prezıdent syılaǵan kúshigine Instagramda paraqsha ashty

Medeý aýdanynyń ákimi Erjan Jylqybaev Medına Maısarovaǵa Prezıdenttiń  atynan frantsýz býldogyn tabys etti.

1 aı buryn oqýshy Memleket basshysy Nursultan Nazarbaevqa kúshik syılaýyn ótinip, elektrondy hat jazǵan. Balasynyń qupııa áreketin ata-anasy bilmegen.

«Meniń anam ıt asyraýǵa ruqsat bermegen. Elbasy syılasa she?», - dep suraǵanymda, jaraıdy dep ruqsat bergen bolatyn. Anam shynymen solaı bolady dep oılaǵan joq. Sondyqtan, men prezıdent ákimshiligine hat jazdym. Nege ekenin bilmeımin, bul syılyq keletinine sendim.  Meniń endi Snejana atty kúshigim bar», - dedi Medına Maısarova.

Pýblıkatsııa ot Kazahstan - moıa Rodına! (@medina.maisar) Dek 31, 2017 at 2:52 PST

3,5 aılyq kúshiktiń qazir «De Frans Sesıl Snejan» degen pasporty bar.

Qyzdyń anasy bergen ýádesinde amalsyz turýǵa týra kelgenin aıtty.

«It asyraý degen ıdeıa onsha unamaıtyn. Bul ázil shyǵar dep kelise salǵam. Endi mine otbasymyzda taǵy bir múshe paıda boldy. Bul kúshik súıkimdi eken. Eriksiz qabyldadyq. Medınanyń Snejanasy óte meıirimdi ıt», - dedi anasy Ilgıza Salahýtdınova.

Medına Maısarova áleýmettik jelidegi paraqshasynda Elbasyna alǵys aıtty.

«Qurmetti Nursultan Ábishuly! Meniń armanymdy oryndaǵanyńyzǵa kóp rahmet. Siz álemdegi eń meıirimdi Prezıdentsiz. Qazaqstandyqtardyń armany oryndalsyn dep tileımin», - dedi ol.

Oqýshy óziniń kúshigine arnap Instagramnan arnaıy paraqsha ashty.

Medına súıkimdi kúshigine kıim kıgizip, sýretke túsirip, vıdeosyn Instagramǵa salýdy bastady.

Aıta ketý kerek, osydan 2 jyl buryn Elbasy jańa jyl qarsańynda oraldyq oqýshy Vıktorııa Harlashınaǵa «Da  Vınchı» sýret jınaǵyn, jumsaq oıynshyqtar, kitap syılaǵan bolatyn. Qyz bala Aıaz ataǵa hat jazyp, Qazposhta arqyly salyp jibergen.

Pýblıkatsııa ot De Frans Sesıl Snejan (@snezha_franch_bulldog) ıAnv 4, 2018 at 10:17 PST

31 jeltoqsan kúni Aıaz ata Vıktorııanyń syılyǵyn berdi.