Almatylyq oqýshy halyqaralyq jasandy ıntellekt olımpıadasynyń jeńimpazy atandy
«Nazarbaev Zııatkerlik mektepteri» derbes bilim berý uıymy baspasóz qyzmetiniń málimetinshe, «Jasandy ıntellekt» arnaıy profılinde Danıal úzdik sheteldik joba úshin «Halyqtar dostyǵy» nomınatsııasynda birinshi oryn aldy.
Olımpıadany uıymdastyrýshylardyń qatarynda – Úıirme qozǵalysy jáne UTB «Platformasy», Reseıdiń Ǵylym jáne joǵary bilim, oqý-aǵartý mınıstrlikterimen birlesken Strategııalyq bastamalar agenttigi jáne reseılik venchýrlyq kompanııa bar. Jabylý saltanaty men jeńimpazdardy marapattaý Máskeýde ótti, jasandy ıntellekt salasyndaǵy úzdik oqýshylardy Sberbank prezıdenti German Gref quttyqtady.
«Bes jyl buryn AI taqyrybynda sóılegen kezde shól daladaǵy jańǵyryq sekildi estiletin, al búgin AI — bul «elektr», ol qaıta órleý, jandaný kezeńinde. Biraq ǵylym, zertteý jáne praktıkalyq turǵydan qoldaný birdeı shamada kele jatyr. Qymbatty balalar, Sizder durys baǵytta jáne durys jolda kelesizder, durys ýaqytta jáne durys jerde ómir súrýdesizder. Alynǵan tájirıbe paıdaly bolaryna senimdimin», - dedi German Gref.
Álemdegi eń bedeldi olımpıadalardyń birinde bes myńnan astam oqýshy kezdesti, baıqaýlar jasandy ıntellekt pen sý asty robot tehnıkasynan bastap genomdy óńdeý men VR tehnologııasyna deıin 28 tehnologııalyq beıinde ótkizildi.
«Aqparattyq qaýipsizdik», «Jasandy ıntellekt», «Bıznes protsesterdi avtomattandyrý» eń tanymal IT profılder qatarynda boldy. Bıyl olımpıada jańa rekord ornatty – barlyq trekter boıynsha Reseıdiń 85 óńiri men shetelderden 110 000-nan astam bala qatysýǵa ótinim berdi.
«Fınalda qatysýshylar tek tehnologııalyq tapsyrmalardy ǵana sheship qoıǵan joq – oqýshylar aldynda jasandy ıntellekt, robot tehnıkasy, ǵarysh ındýstrııasy salasyndaǵy jetekshi kompanııalarda jumys isteıtin mamandar aınalysatyn jańa syn- qaterler turdy. Joǵary synyp oqýshylary eresek áriptesteriniń oılarynan asyp túsetin qyzyqty sheshimderdi usyna bildi», – deıdi UTB «Jas mamandar» baǵyty dırektorynyń orynbasary ıÝlııa Hanjına.
2021 jyly fınalıster eń kóp suranysqa ıe tehnologııalarǵa qatysty máselelerdi sheshti: jasandy ıntellekt, mashınalyq oqytý, kompıýterlik kórý, vırtýaldy jáne keńeıtilgen shyndyq, genomdyq óńdeý.
Bólingen formattaǵy ınjenerlik tapsyrmamen jumys isteý úshin 2020 jyly fınalda synalǵan birqatar tehnologııa qoldanyldy: mamandandyrylǵan baǵdarlamalyq jasaqtama, sımýlıator, komandalyq jumys úshin jeke beıne jáne daýys arnasy, synaq alańdarynan translıatsııa. Qorytyndy saıysqa júzden astam oqýshy qatysty, olardyń aldynda aqyl-oıdy eskeretin algorıtm qurý mindeti turdy. Sońǵy synaq úshin qatysýshylarǵa Krıstofarıdiń sýperkompıýteri usynyldy.
«Jasandy ıntellekt jaı ǵana bizdiń bolashaǵymyz emes, ol búginniń ózinde engizilip jatyr. Sondyqtan biz trendte bolýǵa jáne oqýǵa, izdeýge, synap kórýge tıispiz, olımpıada bul turǵyda men úshin jaqsy mektepke aınaldy», - dedi Danıal marapattaý rásiminen keıin.
