Almatylyq oqýshy «American Protégé» baıqaýynyń jeńimpazy atandy
ALMATY. QazAqparat - 11 jastaǵy Adelına Muhametjanova «American Protégé» halyqaralyq baıqaýynyń 1 dárejeli laýreaty atandy, dep habarlaıdy QazAqparat tilshisi.
Jas ánshi baıqaýda birneshe klassıkalyq týyndy oryndap, álemniń 50 elinen kelgen ánshilerdiń barlyǵyn shań qaptyrdy.
PR-dırektor Tatıana Sınenko aıtqandaı, endi Adelına bıyl 21 jeltoqsanda Karnegı-holl (Carnegie Hall) ǵımaratynda jeńimpazdardyń kontsertinde án shyrqaıdy.
«Bul zalda álemniń eń úzdikteri án aıtady. Jaqynda daıyndyqty bastaımyn. Bar kúshimdi salatyn bolamyn», - dedi Adelına.
Aıta ketý kerek, Adelına Muhametjanova buǵan deıin de birneshe óner básekesinde júldege qol jetkizgen.
Ol 18 sáýir kúni Italııada San-Remo ákimshiligi jáne Unicef qoldaýymen jyl saıyn ótetin «San-Remo Junior» televızııalyq vokal baıqaýynda top jarǵan bolatyn.
«American Protege» - álemdik ánshilerdiń basyn qosatyn halyqaralyq baıqaý.
Úmitkerlerdiń daýsy aýdıotaspamen tyńdalady.
Jeńimpazdar Nıýk-Iorktegi Karnegı Holl ǵımaratynda óner kórsetýge shaqyrylady.
